काठमाडौं । नेपाल राष्ट्र बैंकले बैंकिङ च्यालनबाट रेमिट्यान्स (विप्रेषण) पठाउने प्रतिबद्धता गर्नेलाई वैदेशिक रोजगारमा जानका लागि बिना धितो कर्जा उपलब्ध गराउने व्यवस्था गरेको छ।
केन्द्रीय बैंकले आज चालु आर्थिक वर्षको मौद्रिक नीतिमार्फत यस्तो व्यवस्था गरेको हो। नेपाल सरकारको २०८१।८२ को बजेट वक्तव्यमा उल्लेख भएअनुसार वैदेशिक रोजगारीमा जान श्रम स्वीकृति लिएका व्यक्तिलाई बैंक खातामा रेमिट्यान्स पठाउने सुनिश्चितताका आधारमा बिना धितो ऋण उपलब्ध गराउने व्यवस्था गरिने राष्ट्र बैंकले मौद्रिक नीतिमार्फत व्यवस्था गरेको छ।
उयसैगरी नेपाल सरकारको २०८१।८२ को बजेट वक्तव्यमा उल्लेख भएको बैंक तथा वित्तीय संस्थाबाट प्रवाह हुने कर्जालाई नवप्रवर्तनमा प्रवाह गर्न प्रोत्साहन गरिने व्यवस्था पनि मौद्रिक नीतिमार्फत गरिएको छ।
