काठमाडौं । बैंकिङ प्रणालीमा निक्षेप ६७ खर्ब रुपैयाँ नाघेको छ।
नेपाल राष्ट्र बैंकले सार्वजनिक गरेको पछिल्लो तथ्यांकअनुसार पुस २९ गते बैंक तथा वित्तीय संस्थाको कुल निक्षेप बढेर ६७ खर्ब ३४ अर्ब रुपैयाँ पुगेको हो। यो एक दिनमै निक्षेप ३६ अर्ब रुपैयाँले बढेको छ। अघिल्लो दिन पुस २८ गतेसम्म कुल निक्षेप ६६ खर्ब ९८ अर्ब रुपैयाँ थियो।
पुस २९ मा वाणिज्य बैंकहरुको मात्र निक्षेप एकैदिन २८ अर्ब रुपैयाँले बढेको छ। योसँगै वाणिज्य बैंकहरुको कुल निक्षेप ५९ खर्ब ८८ अर्ब रुपैयाँ पुगेको छ। अघिल्लो दिनसम्म वाणिज्य बैंकहरुको कुल निक्षेप ५९ खर्ब ६० अर्ब रुपैयाँ थियो।
पुस २९ मा बैंक तथा वित्तीय संस्थाको कुल कर्जा लगानी पनि ३१ अर्ब रुपैयाँले बढेको छ। योसँगै कुल कर्जा लगानी ५४ खर्ब ३५ अर्ब रुपैयाँ पुगेको छ। अघिल्लो दिनसम्म कुल कर्जा लगानी ५४ खर्ब ४ अर्ब रुपैयाँ थियो।
वाणिज्य बैंकहरुको कुल कर्जा लगानी पुस २९ गते एकैदिन २७ अर्ब रुपैयाँले बढेर ४८ खर्ब १७ अर्ब रुपैयाँ पुगेको छ। अघिल्लो दिनसम्म कुल कर्जा लगानी ४७ खर्ब ९० रुपैयाँ थियो।
पुस २९ मा बैंकहरुको औसत सीडी रेसियो ७९.४३ प्रतिशत र अन्तरबैंक ब्याजदर ३ प्रतिशत रहेको छ।
