काठमाडौं । नेप्से परिसूचकको उच्च विन्दु २०७८ साल भदौ २ गते कायम भएको थियो। सो दिन नेप्से परिसूचक ३२०० भन्दा माथि पुगे पनि बन्द हुँदा ३१९८ मा बन्द भएको थियो। सो दिन मर्जरका कारण केही बैंकको शेयर कारोबार भएको थिएन।
नेप्से ३२०० पुगेको दिन र आजको मूल्यलाई दाँजेर हेर्दा ३ वाणिज्य बैंकको मूल्य भने सो दिनको मूल्यभन्दा धेरै देखिएको छ। स्ट्यान्डर्ड चार्टर्ड बैंक नेपाल, नेपाल एसबीआई बैंक र एभरेष्ट बैंकको शेयरमूल्य २०७८ भदौ २ गतेको भन्दा आज धेरै छ।
ती बाहेक बाँकी सबै वाणिज्य बैंकको शेयरमूल्य आजको दिनमा कम छ। नेप्से परिसूचक हाल ३००० विन्दुभन्दा केही कममा बन्द भएको छ।
