नेपाल कम्यूनिटी डेभलपमेन्ट बैंकले बोनस सेयर र नगद लाभांश दिने भएको छ । बैंकले १ प्रतिशत वोनस सेयर र ६ दशमलव ४२ प्रतिशत लाभांश दिने भएको हो ।
बैंकको असोज ८ गते बसेको संचालक समितिको १६५ औँ बैठकले आगामि साधारणसभामा लाभांश प्रस्ताव पेश गर्ने निर्णय गरेको छ । बैंकले १ प्रतिशतले हुन आउने ५२ लाख ६४ हजार रुपैयाँ र ६ दशमलव ४२ प्रतिशतले हुन आउने ३ करोड ३७ लाख ८७ हजार ५७७ रुपैयाँ नगद लाभांश दिने भएको छ । कम्युनिटीको हालको पूँजी ५२ करोड ६३ लाख ९३ हजार रुपैयाँ रहेको छ । 
