काठमाडौं । बिहीवार नेपाल स्टक एक्सचेञ्जमा नेपाल एसबिआई बैंकको शेयर मूल्य समायोजन भएको छ । कम्पनीले साधारण सभा तथा लाभांश वितरण प्रयोजनार्थ बुक क्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो ।
नेप्सेले बैंकको ३ दशमलव ८० प्रतिशत बोनस शेयर समायोजन गरेको हो । समायोजन पश्चात कम्पनीको शेयर मूल्य रू ४२५ रुपैयाँ ८२ पैसा कायम भएको छ । नेप्सेले बिहीवार कारोबार दिनको अन्तिम मूल्य रू ४४२ रुपैयाँको आधारमा मूल्य समायोजन गरेको हो । यही समायोजित मूल्यलाई आधार मानेर यी कम्पनीको शेयर आगामी आइतवार देखि दोस्रो बजारमा कारोबारमा आउनेछ ।
