काठमाडौं। निवर्तमान अर्थमन्त्री जनार्दन शर्मामाथि छानबिन गर्न गठित संसदीय छानबिन विशेष समितिको म्याद थप हुने भएको छ । सभामुखले प्रतिनिधि सभा नियमावली २०७५ को नियम १७७ बमोजिम गठित संसदीय छानविन विशेष समितिको कार्यावधि थप सम्बन्धी प्रस्ताव प्रस्तुत गरेका छन् ।
समितले आज शर्मा सँग बजेट सार्वजनिक हुनु भन्दा अघिल्लो राति करका दरमा बाह्य व्यक्तिहरुको प्रत्यक्ष संलग्नतामा हेरफेर गरेको विषयमा सोधपुछ गरेको थियो । छानविनका लागि अझै समय आवश्यक पर्ने भन्दै विशेष समितिले समय थप गर्न माग गरे पछि सभामुखले समय थपको प्रस्ताव संसदमा पेश गरेका हुन् । संसदले दिएको १० दिनको समय नपुग्ने भन्दै म्याद थपको विषयमा बुधबारको बैठकमा छलफल भएको थियो । सोहि अनुसार समय थप गर्ने निर्णय भएको हो ।
