काठमाडौं । नेपाल इन्फ्रास्ट्रक्चर बैंक (निफ्रा) बैंकको ११ लाख ३५ हजार कित्ता शेयर बिक्रीमा राखिएको छ।
निफ्राको संस्थापक समूहको उक्त शेयर बिक्रीमा राखिएको हो। यो शेयरमा अन्य व्यक्ति तथा संस्थाले खरिद आवेदन दिन सक्नेछन्।
यसअघि ३५ दिनको अवधि दिएर विद्यमान संस्थापक शेयरधनीका लागि निफ्रा शेयर बिक्रीमा राखिएको थियो। तर, संस्थापक शेयरधनीहरुबाट खरिद आवेदन नपरेपछि अन्य व्यक्ति तथा संस्थाका लागि शेयर बिक्री खुला गरिएको हो।
इच्छुक लगानीकर्ताले काठमाडौंको बानेश्वरस्थित बैंकको रजिस्टर्ड कार्यालयमा शेयर खरिदका लागि निवेदन दिन सक्नेछन्। यसका लागि ७ दिनको म्याद दिइएको छ।
