काठमाडौं । नेपालमा ५ महिनामा करिव २६ करोडको चुइङगम आयात भएको छ। भन्सार विभागको तथ्याङ्क अनुसार साउन देखि मंसिर महिनासम्मको अवधिमा २५ करोड ९३ लाख बराबरको चुइङगम आयात भएको छ । सो रकम बराबरको ८ लाख २६ हजार ३२२ केजी चुइङगम नेपाल आएको हो ।
नेपालमा भारत, श्रीलंका, टर्की, अमेरिका र बेलायतबाट चुइङगम आउने गरेको छ।
नेपालले सबै भन्दा धेरै चुइङगम भारतबाट आयात गरेको छ । भारतबाट नेपालले २५ करोड माथिको चुइङगम आयात गरेको छ भने श्रीलंकाबाट भने निकै सानो परिमाणमा चुइङगम आयात भएको छ ।
