काठमाडौं । गुगल ड्राइभको लोकप्रियता कसैबाट लुकेको छैन। आजको समयमा हरेक इन्टरनेट प्रयोगकर्ताको डाटा गुगल ड्राइभमा उपलब्ध छ। यस प्लेटफर्ममा फोटोदेखि म्यासेजसम्म धेरै डाटा छ। यस्तो अवस्थामा यदि यो डाटा लिक भयो भने के हुन्छ ? गुगलले एउटा चेतावनी जारी गरेको छ। जसमा लाखौँ गुगल ड्राइभ प्रयोगकर्तामा खतरा बढ्दै गएको बताइएको छ।
गुगलले स्प्यामबाट सावधान रहन आग्रह गरेको छ । धेरै मिडिया रिपोर्टहरुमा यो भनिएको छ कि यदि प्रयोगकर्ताले गुगल ड्राइभ प्रयोग गरिरहेका छन् भने ह्याकिङको सिकार हुन सक्छन्। प्रयोगकर्ताहरु मालवेयर र फिसिङ अट्याकको सिकार हुन सक्छन्।
मिडिया रिपोर्टका अनुसार गुगल ड्राइभमा गुगल अकाउन्ट प्रयोगकर्तालाई एक संदिग्ध फाइल पठाइएको छ। कतिपय प्रयोगकर्ताले गुगल अकाउन्टमा फाइल रिसिभ गर्न रिक्वेस्ट प्राप्त भएको गुनासो गरेका छन्।
त्यसपछि गुगलले यो स्प्याम आक्रमणका बारेमा सचेत रहेको पुष्टि गरेको छ। यससँगै कम्पनीले यदि कसैले त्यस्तो शंकास्पद फाइल फेला पारेमा त्यसलाई स्प्याम श्रेणीमा चिह्न लगाउने जनाएको छ। गुगलले यदि प्रयोगकर्ताले कुनै संदिग्ध फाइलको एक्स्पेक्ट गर्न अप्रुभल दिएको छ भने त्यस लिंक वा कागजातमा क्लिक नगर्न आग्रह गरेको छ।
यदि कुनै प्रयोगकर्ताले कुनै संदिग्ध फाइल रिसिभ गरेमा प्रयोगकर्ताले यसलाई रिपोर्ट गर्न सक्छ। एउटा रिपोर्टमा भनिएको छ कि यदि कुनै पनि फाइल स्मार्टफोनमा आउँछ भने स्क्रिनको माथि तीनवटा डट देखिनेछन्। त्यसपछि प्रयोगकर्ताले रिपोर्ट अप्सनमा क्लिक गर्नुपर्नेछ। यद्यपि, यदि फाइल खुला छ भने प्रयोगकर्ताले दायाँ क्लिक गर्नुपर्नेछ। त्यसपछि प्रयोगकर्ताले ब्लक वा रिपोर्टको अप्सन पाउनेछन्।
