काठमाडौं । सरकारले गाँजाको व्यावसायिक उत्पादनलाई कानुनी मान्यता दिने घोषणा गरेको छ।
आगामी आर्थिक वर्षको बजेट प्रस्तुत गर्दै अर्थमन्त्री वर्षमान पुनले मुलुकमा गाँजाको व्यावसायिक उत्पादनलाई कानुनी मान्यता दिने घोषणा गरेको हो। ‘बजेटमा औषधीय प्रयोजनका लागि गाँजाको व्यावसायिक उत्पादन गर्न कानुनी व्यवस्था मिलाउनेछ’, उनले भने।
यसैगरी सरकारले कृषि तथा पशुपन्छी मन्त्रालयका लागि आगामी आर्थिक बर्षको बजेट ५७ अर्ब २९ करोड विनियोजन गरेको मन्त्री पुनले जानकारी दिए।
