काठमाडौं । कुमारी बैंकको पौने १४ लाख बढी कित्ता शेयर बिक्रीमा राखिएको छ। बैंकको संस्थापक समूहको १३ लाख ८७ हजार २५८ कित्ता शेयर बिक्रीमा राखिएको छ।
यो शेयरमा हाललाई बैंकका संस्थापक शेयरधनीहरुले मात्रै खरिद आवेदन दिन पाउनेछन्। यसका लागि ३५ दिनको समय दिइएको छ।
इच्छुक संस्थापक शेयरधनीहरुले काठमाडौंको नक्सालस्थित कुमारी क्यापिटलको कार्यालय र टंगालस्थित कुमारी बैंकको प्रधान कार्यालयमा शेयर खरिदका लागि निवेदन दिन सक्नेछन्।
शेयरको मूल्य बिक्रेताले तोकेबमोजिम हुने बैंकले स्पष्ट पारेको छ। तोकिएको मितिभित्र संस्थापक शेयरधनीहरुबाट खरिद निवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने बैंकले जनाएको छ।
