कामना सेवा विकास बैंक लिमिटेडले आफ्नो सेवा विस्तारको क्रममा सिराहा जिल्लाको मिर्चैया नगरपालिका वडा नं.६ स्थित थाना चोकमा आफ्नो ८३औं शाखा कार्यालय स्थापना गरि कारोबार शुभारम्भ गरेको छ ।
बैंकका संचालक देव कृष्ण काफ्ले तथा बैंकका प्रदेश नं. १ प्रमुख सुजन राई र प्रदेश नं.२ प्रमुख राकेश सिंहले संयुक्त रुपमा कारोबार शुभारम्भ गरेका छन् ।
कार्यक्रममा संचालक काफ्लेले बैंकको संक्षिप्त जानकारी गराउँदै पूर्वी नेपालमा व्यापार प्रर्वधन लाई अझ तीव्रताका साथ अघि बढाउन वृहत शाखा विस्तार गरेको तथा बैंकको भावी रणनीति र कार्यक्रमहरुको बारेमा संक्षिप्त जानकारी दिए ।
यो सँगै प्रदेश नं. २ मा ११ वटा शाखा पुगिसकेको र निकट भविष्यमा थप शाखाहरु प्नि सञ्चालनमा आउने बैंकले जनाएको छ ।
काठमाडौं ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा यो सँगै ८३ वटा शाखा तथा ३८ वटा एटिएम मार्फत ग्राहकहरुलाई आफनो सेवाहरु प्रदान गर्दै आएको छ ।
साथै बैंकले एबिबिएस, इन्टरनेट बैंकिङ, मोबाइल बैंकिङ, सिआस्वा लगायतका माध्यम बाट समेत सम्पूर्ण बैंकिङ्ग सेवाहरु उपलब्ध गराउँदै आएको तथा समय सापेक्ष आफ्ना सेवाहरु थ्प गर्दै जाने बैंकको योजना रहेको छ ।
