नेपाल क्रेडिड एण्ड कर्मस बैंक (NCCB) को ५० प्रतिशत हकप्रद सेयर सुरक्षित गर्ने सोमबार अन्तिम दिन रहेको छ । बैंकले हकप्रद निष्काशनका लागि साउन १५ गते सेयरधनी किताब बन्द गर्ने भएकाले सोमबारसम्म कायम रहेका सेयरधनीले मात्र हकप्रदमा आवेदन दिन पाउनेछन् ।
बैंकले सनराइज क्यापिटल मार्फत दुई बराबर एक कित्ता अनुपातमा एक सय रुपैयाँ अंकित दरको २ करोड ३३ लाख ९५ हजार २९१ कित्ता हकप्रद जारी गर्न लागेको हो । जसको मिति भने निर्धारण भैसकेको छैन ।
चार अर्ब अर्ब ६७ करोड ९० लाख ५८ हजार रुपैयाँ चुक्ता पूँजी रहेको हकप्रदपछि सात अर्ब एक करोड ८५ लाख ८७ हजार रुपैयाँ पुग्नेछ । हकप्रदपछि ९९ करोड रुपैयाँ बराबरको सञ्चित नाफाबाट बोनस वितरण गरेर अन्य विकल्पबाट बैंकले आठ अर्ब रुपैयाँ चुक्ता पुर्याउन पर्नेछ ।
