काठमाडौं । बैंकिङ्ग प्रणालीमा एकै दिन २४ अर्ब रुपैयाँले निक्षेप वृद्धि भएको छ । नेपाल राष्ट्र बैंकको तथ्यांक अनुसार सोमबारसम्म ६४ खर्ब ३३ अर्ब रहेको निक्षेप मंगलबारसम्म ६४ खर्ब ५७ अर्ब पुगेको हो ।
त्यस्तै सोमबारसम्म कर्जा प्रवाह ५१ खर्ब ५७ अर्ब रहेकोमा मंगलबार ५१ खर्ब ५६ अर्ब पुगेको हो। एकै दिनमा कर्जा प्रवाह १ अर्बले घटेको छ ।
मंगलबारसम्म वाणिज्य बैंकमा निक्षेप ५७ खर्ब २८ अर्ब पुगेको छ भने वाणिज्य बैंकबाट ४५ खर्ब ६० अर्ब कर्जा प्रवाह भएको छ ।
सिडी रेशियो घट्दै ७७.८४ प्रतिशत कायम भएको छ भने अन्तर बैंक ब्याजदर २.९८ प्रतिशत छ ।
अघिल्लो दिन सिडी रेशियो ७८.१३ प्रतिशत थियो ।
