एजेन्सी भारतीय बीमा बजारको नियामक निकाय भारतीय बीमा विनियामक और विकास प्राधिकरणले जनरल र स्वास्थ बीमा प्रदान गर्ने कम्पनीहरुलाई ३० जुलाई भित्र गुणस्तरीय बीमा पोलिसी बेच्न निर्देशन गरेको छ तर अन्तिम मस्यौदा भने तयारीमै रहेको भारतीय संचार माध्यम इकोनोमिक टाइम्सले बताएको छ।
कोरोना भाइरस सक्रमण प्रमाणित भए पश्चात अस्पताल भर्ना भएपछि एकै पटक शत प्रतिशत दावी भुक्तानी प्राप्त हुने छ । अब देखि कोरोना बीमाको न्युनतम ५० हजार र अधिकतम ५ लाख बीमाङ्कसम्मको बीमा पोलिसी बिक्री हुनेछन् ।
त्यस्तै बीमा गरेको १५ औं दिनसम्म कोरोना भाइरस संक्रमण भएमा कोरोना भाइरस बीमाको दावी भुक्तानी हुने छैन । १८ वर्ष देखि ६५ वर्षसम्मका व्यक्तिले कोरोना बीमामा सहभागी हुन पाउँने छन । ग्राहकबाट लिने प्रिमियम रकम भने बीमा कम्पनीले नै तय गर्ने छन् तर भौगोलिक हिसाबमा बीमा कम्पनीले फरक फरक मूल्य तय गर्ने पाउने छैन्न । बीमा प्रिमियम वार्षिक, अर्ध वार्षिक, त्रैमासिक र मासिक रुपमा भुक्तानी गर्ने मिल्ने छ।
