कामना सेवा विकास बैंकले आफ्ना ग्राहकहरुको सुविधालाई मध्यनजर गरी स्वास्थ्य उपचार गराउँदा विभिन्न सेवामा छुट दिने गरी तीन वटा हस्पिटलसँग सम्झौता गरेको छ । सो सम्बन्भमा बैंकले सिद्धबाबा हस्पिटल एण्ड रिसर्च सेन्टर., सिद्धार्थनगर सिटी हस्पिटल. र लुम्बिनी सिटी अस्पताल एण्ड मेडिकल साइन्ससँग औषधी तथा उपचारमा विशेष छुट पाउने गरि सम्झौता गरेको हो ।
सम्झौतापत्रमा कामना सेवा विकास बैंकको तर्फबाट बैंकका डिपोजिट तथा ट्रान्जेक्सन बैंकिङ प्रमुख सुवास भट्टराई र सिद्घबाबा हस्पिटलको तर्फबाट अध्यक्ष रमेश श्रेष्ठ र संचालक दिपेश प्रधान,सिद्घार्थनगर सिटी हस्पिटलको तर्फबाट प्रबन्ध निर्देशक अर्जुन पौडेल र लुम्बिनि सिटी अस्पतालको तर्फबाट प्रमुख प्रशासक लोकनाथ भुषालले हस्ताक्षर गरे ।
यस सम्झौता पछि अब यस बैंकका ग्राहकहरुले उपरोक्त संस्थाहरुबाट उपचार गराउँदा विशेष छुट पाउने छन् । सम्झौतासँगै बैंकको व्यावसाय प्रवर्धनमा सहयोग पुग्नुका साथै ग्राहकहरु लावाविन्त हुने बैंकले जनाएको छ ।
हालसम्म बैंकले ८४ वटा शाखा तथा ३९ वटा एटिएम मार्फत आफ्ना ग्राहकहरुलाई आधुनिक बैंकिङ सेवाहरु प्रदान गर्दै आएको छ । साथै, समय सापेक्ष आफ्ना सेवाहरु थप गर्दै जाने बैंकको योजना रहेको छ ।
