काठमाडौं : गरिमा विकास बैंक लिमिटेडले अघिल्लो आवको तुलनामा गत आवमा २७.७८ प्रतिशतले नाफा बढाउन सफल भएको छ । यो बैंकले गत आवमा ९ करोड ५२ लाख १६ हजार रुपैयाँले नाफा बनाएर ४३ करोड ७८ लाख ६७ हजार रुपैयाँ पुराएको छ ।अघिल्लो आवमा १४ अर्ब ५१ करोड निक्षेप संकलन गरेको बैंकले गत आवमा २१ अर्ब २२ करोड पुर्याएको छ । त्यसैगरि १२ अर्ब ९९ करोडको कर्जा लगानी १८ अर्ब ८५ करोड पुगेको छ । बैंकको खुद ब्याज आम्दानी २५ करोड बढेर एक अर्ब पुगेको छ ।
यो बैंकको जगेडा कोषमा ७२ करोड ७२ लाख रुपैयाँ छ भने यसले ५० करोड ६७ लाख रुपैयाँ लगानी गरेको उल्लेख छ । यसको खराव कर्जा अनुपात शून्य दशमवल २७ प्रतिशत छ । अघिल्लो वर्ष यस्तो कर्जा अनुपात ०.७८ प्रतिशत थियो । यसको कर्जा तथा निक्षेप अनुपात (सीडी) रेसियो ७६.३३ प्रतिशत छ ।बैंकको प्रोभिजन तीन करोड ९ लाखबाट बढेर ९ करोड ६२ लाख, कर्मचारी खर्च १६ करोड ७० लाखबाट २२ करोड ८८ लाख तथा १५ करोड ५१ लाखको अन्य सञ्चालन खर्च १९ करोड ७६ लाखमा पुगेको हो । बजारमा सोमबार १७६ मा गरिमा विकास बैंकको शेयर कारोबार भएको थियो।
