काठमाडौं । डोनाल्ड ट्रम्प प्रशासनले सोमबार विदेशी कामदारहरुको लागि एच–१बी भिसामा १ लाख डलरभन्दा बढीको शुल्क आधिकारिक रुपमा लागू गर्ने उद्देश्यले प्रस्तावित नियम जारी गरेको छ।
राष्ट्रपति ट्रम्पले गत वर्ष अस्थायी रुपमा यो शुल्क लागू गरेका थिए। तर, अदालतले यसलाई रोकेका छन्। यो नयाँ प्रस्ताव अब पेस गरिएको छ। एच–१बी भिसा शुल्कमा वृद्धि विशेषगरी विदेशी कामदारका लागि कठिन हुनेछ। जो यस भिसाका सबैभन्दा बढी लाभार्थी हुन्।
ट्रम्प प्रशासनले सोमबार वार्षिक सीमा पूरा गर्ने सबै एच–१बी भिसा आवेदनहरुमा १ लाख ३ हजार २६५ डलर शुल्क लगाउने प्रस्ताव गरेको छ। यसमा अमेरिकी विश्वविद्यालयबाट मास्टर डिग्री वा सोभन्दा माथिका आवेदकलाई उपलब्ध २० हजार भिसाको अतिरिक्त श्रेणी समावेश हुनेछ।
अमेरिकी गृह सुरक्षा विभाग (डीएचएस) को सूचनामा भनिएको छ कि प्रस्तावित शुल्क अवस्थित एच–१बी आवेदन शुल्कको अतिरिक्त लिइनेछ। विभागले भनेको छ, ‘शुल्क वार्षिक सीमाको अधीनमा रहेको एच–१बी आवेदनहरुमा मात्र लागू हुनेछ। वार्षिक सीमाले नढाकेका ए–१बी आवेदनहरु कभर गरिने छैनन्।’
विभागले प्रस्तावित शुल्क विभिन्न सरकारी विभागहरुबीचको खर्च कभर गर्ने उद्देश्यले हो भनी जनाएको छ। छुट्टै शुल्क उत्पन्न आयका लागि लेखा, बाँडफाँड र रिपोर्टिङ प्रक्रियालाई सरल बनाउनका लागि हो। यो प्राप्त गर्न थप एच–१बी शुल्क लगाउने प्रस्ताव गरिएको छ।
यो प्रस्ताव संघीय पुनरावेदन अदालतमा एच–१बी भिसा आवेदनहरुमा १ लाख डलर शुल्क लगाउने ट्रम्प प्रशासनको योजनालाई खारेज गर्ने जिल्ला न्यायाधीशको आदेशलाई रोक्न खोजिएको निवेदन खारेज भएको लगभग एक महिनापछि आएको हो।
अमेरिकाले नियमित श्रेणीमा वार्षिक ६५ हजार एच–१बी भिसा जारी गर्दछ। थप रुपमा अमेरिकी विश्वविद्यालयहरुबाट मास्टर डिग्री वा सोभन्दा माथिको डिग्री भएका विदेशी कामदारहरुका लागि थप २० हजार भिसा उपलब्ध छन्।
एच–१बी कार्यक्रमअन्तर्गत अमेरिकी कम्पनीहरुले प्रविधि, इन्जिनियरिङ, शिक्षा र अनुसन्धानजस्ता विशेष क्षेत्रहरुमा विदेशी कामदारहरुलाई काममा राख्न सक्छन्। अमेरिकाले हरेक वर्ष ६५ हजार नियमित एच–१बी भिसा र उन्नत डिग्री भएका कामदारका लागि २० हजार भिसा जारी गर्छ। –एजेन्सी
