काठमाडौ. । अमेरिकी राष्ट्रपति डोनाल्ड ट्रम्पले क्यानडाबाट आयात हुने कार, ट्रक र अटो पार्टपुर्जामा ट्यारिफ २५% बाट बढाएर ५०% पुर्याउने धम्की दिएका छन्।
ट्रम्पले सोमबार क्यानडाको अटो क्षेत्रमा ट्यारिफ दोब्बर गर्ने योजना घोषणा गरेका हुन्। उनले भने, ‘नयाँ ट्यारिफ जनवरी १ देखि लागू हुनेछ।’
यो धम्की यस्तो समयमा आएको हो जब अमेरिका र क्यानडाबीचको व्यापार वार्ता सम्पन्न भएको छ र दुई देशबीचको तनाव बढेको छ।
क्यानडाका प्रधानमन्त्री मार्क कार्नीले ट्रम्पको पछिल्लो ट्यारिफ धम्कीलाई ‘अप्रत्याशित’ भनेका छन्। उनले ट्रम्पले क्यानडाको अटो उद्योगलाई नष्ट गर्न खोजेको आरोप पनि लगाए। कार्नीले भने, ‘यदि अमेरिका सही दृष्टिकोणका साथ वार्ताको टेबलमा फर्कियो भने क्यानडा वार्ता पुनः सुरु गर्न तयार छ।’
अघिल्ला वार्ताहरुका बारेमा क्यानडाली अधिकारीहरुले अमेरिकाले वार्ताको अन्तिम चरणमा ती माग गरेको बताए। उनीहरुका अनुसार जुन स्वीकार गर्न असम्भव थियो। यसमा एउटा प्रावधान समावेश थियो। जसले क्यानडासँग व्यापार सम्झौता गर्न सक्ने देशहरुमा सीमाहरु राख्ने थियो।
अमेरिकी अधिकारीहरुले यसका लागि क्यानडालाई दोष दिएका छन्। सोमबार सीएनबीसीसँग कुरा गर्दै अमेरिकी व्यापार प्रतिनिधि जेमसन ग्रिरले क्यानडाले अत्यधिक माग गरेको बताए। –एजेन्सी
