काठमाडौं । स्वरोजगार लघुवित्त वित्तीय संस्थाले विन नेपाल लघुवित्तलाई प्राप्तिपछि भदौ २१ गतेबाट एकीकृत कारोबार सुरु गर्ने भएको छ।
संस्थाले आज एक सूचना जारी गर्दै विन नेपाल लघुवित्तलाई प्राप्तिपछि सुरु हुन लागेको एकीकृत कारोबारका विषयमा जानकारी गराएको हो। नेपाल राष्ट्र बैंकले अनुमतिपछि नेपाल धितोपत्र बोर्ड र कम्पनी रजिस्ट्रारको कार्यालयबाट अन्तिम स्वीकृति लिएर विन नेपाल लघुवित्तको अन्तिम दिनसम्म कायम रहेको सम्पूर्ण सम्पत्ति, दायित्व तथा अन्य सम्भावित दायित्व व्यहोर्ने तथा सकार्ने स्वरोजगार लघुवित्तले जनाएको छ।
एकीकृत कारोबार सुरु गरिने दिन भदौ २१ गते आइतबार १ दिनका लागि दुवै संस्थाको सम्पूर्ण बैंकिङ सेवा बन्द रहने सम्पूर्ण ग्राहक सदस्य, शेयरधनीलगायत नियामकहरु तथा सरोकारवालाहरुलाई संस्थाले जानकारी गराएको छ।
प्राप्तिपछि स्वरोजगार लघुवित्तको कार्यालय काभ्रेपलान्चोकको बनेपा नगरपालिका–५ रहनेछ।
