काठमाडौं । दुध कोशी हाइड्रोपावरले थप ५० लाख कित्ता शेयर बिक्री गर्ने भएको छ।
कम्पनीले हाल कायम आफ्ना शेयरधनीहरुका लागि १०० रुपैयाँ अंकित दरका कुल ५० लाख कित्ता शेयर बिक्री गर्न लागेको हो। कम्पनीका शेयरधनीहरुले ३५ दिनभित्र शेयर खरिदका लागि निवेदन दिनुपर्नेछ।
तोकिएको अवधिभित्र हाल कायम शेयरधनीहरुले शेयर खरिदका लागि निवेदन नदिएको खण्डमा अन्य व्यक्तिलाई बिक्री खुला गरिने कम्पनीले जनाएको छ। यो शेयर बेचेर कम्पनीले ५० करोड रुपैयाँ पुँजी जुटाउनेछ।
