काठमाडौं । लाइफ इन्स्योरेन्स कर्पोरेसन (एलआईसी नेपाल)ले गत आर्थिक वर्ष २०८२।८३ को अपरिष्कृत वित्तीय विवरण सार्वजनिक गरेको छ।
वित्तीय विवरणअनुसार गत आर्थिक वर्षमा कम्पनीले ४० करोड ५७ लाख रुपैयाँ नाफा आर्जन गर्न सफल भएको छ। अघिल्लो आर्थिक वर्ष २०८१।८२ मा कम्पनीले ३१ करोड ५८ लाख रुपैयाँ नाफा आर्जन गरेको थियो। अघिल्लो आर्थिक वर्षको तुलनामा समीक्षा वर्षमा कम्पनीको नाफा २८.४५ प्रतिशतले बढेको छ।
समीक्षा वर्षमा कम्पनीको शेयर प्रिमियममा ४९ करोड ८० लाख रुपैयाँ, महाविपत्ति कोषमा ७७ करोड ३५ लाख रुपैयाँ, रिटेन्ड अर्निङमा २ अर्ब ६५ करोड ६१ लाख रुपैयाँ र अन्य इक्विटीमा ३५ करोड ५० लाख रुपैयाँ रहेको छ। अघिल्लो वर्ष असार मसान्तसम्म शेयर प्रिमियममा ४९ करोड ८० लाख रुपैयाँ, महाविपत्ति कोषमा ७३ करोड २९ लाख रुपैयाँ, रिटेन्ड अर्निङमा ३ अर्ब ४५ करोड २२ लाख रुपैयाँ र अन्य इक्विटीमा ३९ करोड ४१ लाख रुपैयाँ रहेको थियो।
गत आर्थिक वर्षमा कम्पनीको जीवन बीमा कोषमा १ खर्ब ४६ अर्ब ८१ करोड रुपैयाँ रहेको छ। अघिल्लो वर्षमा जीवन बीमा कोषमा १ खर्ब ३२ अर्ब ९२ करोड रुपैयाँ थियो। अघिल्लो वर्षको तुलनामा समीक्षा वर्षमा कम्पनीको जीवन बीमा कोषको आकार १०.४५ प्रतिशतले बढेको छ।
समीक्षा वर्षमा कम्पनीले २१ अर्ब २४ करोड ८८ लाख रुपैयाँ कुल बीमाशुल्क आर्जन गरेको छ। अघिल्लो वर्ष कम्पनीले १९ अर्ब ९३ करोड ८३ लाख रुपैयाँ कुल बीमाशुल्क आर्जन गरेको थियो। अघिल्लो वर्षको तुलनामा समीक्षा वर्षमा कम्पनीको कुल बीमाशुल्क आर्जन ६.५७ प्रतिशतले बढेको छ।
कम्पनीले गत आर्थिक वर्षमा २१ अर्ब १४ करोड ५४ लाख रुपैयाँ खुद बीमाशुल्क आर्जन गरेको छ। अघिल्लो आर्थिक वर्षमा कम्पनीले १९ अर्ब ८२ करोड ६८ लाख रुपैयाँ खुद बीमाशुल्क आर्जन गरेको थियो। अघिल्लो वर्षको तुलनामा कम्पनीको खुद बीमाशुल्क आर्जन ६.६५ प्रतिशतले बढेको छ।
शेयरपुँजी ५ अर्ब ५० करोड रुपैयाँ रहेको कम्पनीको वार्षिकीकृत प्रतिशेयर आम्दानी (ईपीएस) बढेर ७.३८ रुपैयाँ कायम भएको छ। अघिल्लो वर्ष ईपीएस ५.७४ रुपैयाँ थियो। पीई रेसियो १०७.०५ गुणा रहेको कम्पनीको प्रतिशेयर नेटवर्थ १७७.८७ रुपैयाँ रहेको छ।
