काठमाडौं । मौसम पूर्वानुमान महाशाखाले बिहीबार कोशी प्रदेशको पहाडी र तराई भूभाग साथै बागमती र गण्डकी प्रदेशका पहाडी भूभागका एक दुई स्थानमा भारी वर्षाको सम्भावना रहेको जानकारीका दिएको छ ।
दैनिक माैसम पूर्वानुमान बुलेटिन जारी गर्दै महाशाखाले कर्णाली र सुदूरपश्चिम प्रदेशका पहाडी भूभागका एक दुई स्थानमा पनि भारी वर्षाको सम्भावना छ । लुम्बिनी र गण्डकी प्रदेशका तराईका थोरै स्थानमा चट्याङ्गसहित मध्यमसम्म वर्षाको सम्भावना छ।
हाल मनसुनको न्यून चापीय रेखा नेपालको पूर्वी भूभागमा सरदर स्थानको आसपासमा तथा नेपालको पश्चिम भूभागमा सरदर भन्दा उत्तरतर्फ रहेको छ। महाशाखाका अनुसार, देशभर मनसुनी वायुको प्रभाव रहेकाले दिउँसो देशभर साधरणतया बादल लाग्नेछ। हिमाली र पहाडी भूभागका थोरै स्थानमा मध्यमसम्म वर्षाको सम्भावना छ।
