काठमाडौं । पश्चिम एसियामा बढ्दो संकटका कारण कच्चा तेलको मूल्यमा तीव्र वृद्धि भएको छ। आज प्रतिब्यारेल १०० डलर नाघेको छ।
मे महिनादेखि कच्चा तेलको मूल्य यो स्तरमा पुगेको यो पहिलोपटक हो। विगत २० दिनमा कच्चा तेलको मूल्य ४२ प्रतिशतले बढेको छ।
हुथी विद्रोहीहरुले पश्चिम एसियामा नयाँ मोर्चा खोलेका छन्। उनीहरुले लाल सागरमा साउदी अरबका जहाजहरुलाई लक्षित गरिरहेका छन्। यही कारण कच्चा तेलको मूल्यमा वृद्धि भएको हो।
होर्मुज समुद्रीमार्गपछि लालसागर पनि नाकाबन्दी गरिएको छ। हुथी विद्रोहीहरुले लाल सागरमा विनाश मच्चाइरहेका छन्।
होर्मुज बन्द भएका कारण साउदीले लालसागर हुँदै आफ्नो तेल पठाइरहेको थियो। तर, अब यो मार्ग पनि बन्द भएको छ। यसले कच्चा तेलको मूल्यमा वृद्धि भएको छ।
शुक्रबारको सुरुआती कारोबारमा ब्रेन्ट क्रुड ०.०८ प्रतिशतले वृद्धि भई प्रतिब्यारेल १००.८ डलरमा कारोबार भइरहेको थियो। अमेरिकी डब्ल्यूटीआई क्रुड पनि ०.३१ प्रतिशतले वृद्धि भई प्रतिब्यारेल ९२.४८ डलरमा कारोबार भइरहेको थियो।
विज्ञहरुका अनुसार यदि पश्चिम एसियाको अवस्थामा सुधार भएन भने कच्चा तेलको मूल्य प्रतिब्यारेल १२० डलरसम्म पुग्न सक्छ।
