काठमाडौं । भोलि साउन १ गतेबाट शेयर र घरजग्गाको कारोबारमा नयाँ पुँजीगत लाभकर लागू हुँदैछ।
आर्थिक वर्ष २०८३।८४को बजेटमार्फत परिवर्तन गरिएका करका दर भोलि शुक्रबारदेखि लागू हुने भएको हो्। अब शेयर कारोबारमा १० प्रतिशत र ७.५ प्रतिशत पुँजीगत लाभकर लाग्नेछ। यसअघि पुँजीगत लाभकर ७.५ प्रतिशत र ५ प्रतिशत थियो। अब शेयर किनेर एक वर्ष होल्ड गरेर बेच्नेले ७.५ प्रतिशत र शेयर किनेर एक वर्षभित्रै बेच्ने १० प्रतिशत पुँजीगत लाभकर तिर्नुपर्नेछ।
सरकारले बजेटमार्फत शेयर कारोबारमा लाग्ने पुँजीगत लाभकर २.५ प्रतिशत बिन्दुले बढाएको छ। यो नै अन्तिम हुने घोषणा बजेटमा गरिएको छ।
यसैगरी घरजग्गाको स्वामित्व ५ वर्ष वा सोभन्दा बढी कायम भएको सम्पत्ति बिक्रीबाट कमाएको नाफाबाट ७.५ प्रतिशत पुँजीगत लाभकर तिर्नुपर्ने व्यवस्था बजेटमार्फत गरिएको छ। हाल यस्तो पुँजीगत लाभकर ५ प्रतिशत छ।
बजेटमार्फत ५ वर्षभन्दा कमको स्वामित्व भएको घरजग्गा कारोबारमा पुँजीगत लाभकर बढाएर १० प्रतिशत पुर्याइएको छ। हाल ७.५ प्रतिशत रहेको छ।
