काठमाडौं । नेपाल राष्ट्र बैंकले चालुपुँजी कर्जाको भेरियन्ससम्बन्धी व्यवस्थामा थप लचक भएको छ।
केन्द्रीय बैंकले आज बैंक तथा वित्तीय संस्थाका नाममा जारी एकीकृत निर्देशनमा संशोधन गर्दै चालुपुँजी कर्जाको भेरियन्ससम्बन्धी व्यवस्थामा थप लचक व्यवस्था ल्याएको हो। संशोधित व्यवस्थाअनुसार अब चालुपुँजी कर्जासम्बन्धी मार्गदर्शन, २०७९ (चौथो संशोधन सहित)’ को बुँदा नं. ७ मा भएको भेरियन्ससम्बन्धी व्यवस्था २०८४ साउन १ गतेदेखि मात्र लागू हुनेछ।
यसअघि चालुपुँजी कर्जासम्बन्धी मार्गदर्शन, २०७९ को बुँदा नं. ७ मा भएको भेरियन्ससम्बन्धी व्यवस्था २०८३ साउन १ गतेदेखि मात्र लागू हुने व्यवस्था रहेको थियो।
