काठमाडौैं । फिफा विश्वकप २०२६ को समयमा खेल हेर्न क्यानडा गएका विश्वभरका हजारौँ फुटबल प्रशंसकको भिसा आवेदन अस्वीकार गरिएको छ।
अध्यागमन, शरणार्थी र नागरिकता क्यानडा (आईआरसीसी) को तथ्यांकअनुसार सन् २०२५ नोभेम्बर १४ र २०२६ मार्च ३१ को बीचमा विश्वकपसँग सम्बन्धित लगभग १७ हजार भिजिटर आवेदनहरु प्रशोधन गरिएको थियो। तर, केवल ४१ प्रतिशत स्वीकृत भएको छ।
सबैभन्दा धेरै आवेदनहरु घानाबाट आएका थिए। टोरन्टोमा पानामाविरुद्धको आफ्नो टोलीको खेल हेर्न १ हजार ७२५ घानाका फ्यानहरुले आवेदन दिएका थिए। तर, तीमध्ये केवल १८५ जनाले भिसा प्राप्त गरे। जुन अस्वीकृत आवेदनहरुको लगभग ८९ प्रतिशत हो।
पाकिस्तानका आवेदकहरुको अवस्था पनि विशेषगरी दयनीय थियो। कुल १ हजार २५० आवेदनहरुमध्ये केवल ११० स्वीकृत भए। जब कि १ हजार १४० अस्वीकार भए।
भारतबाट प्राप्त १ हजार २२५ आवेदनमध्ये ३५५ स्वीकृत भए। जब कि ८७० भिसा अस्वीकार भए।
नेपालबाट पनि ६० जनाको भिसा आवेदन दिएका थिए। तीमध्ये २० जनाको स्वीकृत भएको छ भने ४० जनाको अस्वीकृत भएको आईआरसीसीको तथ्यांकले देखाउँछ।
यसको विपरीत कोलम्बियाली फ्यानहरुले राहत पाए। कोलम्बियाली टोलीले क्यानडामा कुनै पनि समूह चरणको खेल खेलिरहेको छैन। तर, त्यहाँबाट प्राप्त १ हजार ६३० आवेदनमध्ये १ हजार १३० लाई स्वीकृत गरिएको थियो। ९१० आवेदनहरुमध्ये ८५० लाई स्वीकृत गरिएको थियो। पनामा सबैभन्दा राम्रो प्रदर्शन गर्ने देशहरुमध्ये एक थियो।
आईआरसीसीका अनुसार यात्रुहरुलाई क्यानडा प्रवेश गर्न अस्थायी निवासी भिसा (टीआरभी) वा इलेक्ट्रोनिक यात्रा प्राधिकरण (ई–टीए) आवश्यक पर्दछ। ई–टीए प्रक्रिया अपेक्षाकृत सरल र छिटो छ। जबकि भिजिट भिसाका लागि यात्रा कार्यक्रम, वित्तीय कागजात र अन्य प्रमाण आवश्यक पर्दछ।
तथ्यांकले देखायो कि ई–टीएयोग्य देशका नागरिकको स्वीकृति दर ९६ प्रतिशत थियो। जब कि भिसा आवश्यक देशहरुकोलागि केवल ३२ प्रतिशत थियो।
अस्ट्रेलिया, जर्मनी, क्रोएसिया र न्युजिल्यान्डजस्ता देशहरुबाट सबै आवेदनहरु स्वीकृत भए। जब कि सिरिया, युगान्डा र श्रीलंकाबाट कुनै पनि भिसा प्राप्त भएन।
आईआरसीसीले फिफा विश्वकप २०२६ को समयमा विश्वभरका खेलाडी, अधिकारी, मिडिया प्रतिनिधि र प्रशंसकहरुलाई स्वागत गर्न क्यानडा तयार रहेको जनाएको छ। यद्यपि, सुरक्षा र अध्यागमन नियमहरुमा सम्झौता गरिने छैन।
सबै आवेदन अस्वीकृत भएका देश
सिरिया, युगान्डा, श्रीलंका, सुडान, यमन, लिबिया, अफगानिस्तान, क्युबा, माली, जनवादी गणतन्त्र कंगो, बुर्किना फासो, सियरा लियोन र तान्जानियाबाट कसैले पनि भिसा पाएनन्।
सबै आवेदन स्वीकृत भएका देश
अस्ट्रेलिया, जर्मनी, क्रोएसिया, न्युजिल्यान्ड, साउदी अरेबिया, फ्रान्स, इटाली, स्पेन, पोर्चुगल, आयरल्यान्ड, इजरायल, नेदरल्याण्ड्स, स्विडेन, रोमानिया र नर्वे, बेल्जियम, स्विट्जरल्यान्ड, मौरिसस, त्रिनिदाद र टोबागो, आर्मेनिया, चिली, म्यासेडोनिया, सर्बिया, अस्ट्रिया, बहराइन, बुल्गेरिया, कम्बोडिया, डेनमार्क, गुयाना, हङकङ, मकाउ, बोलिभिया र कतार।
