काठमाडौं । लक्ष्मी सनराइज बैंकले ३ अर्ब रुपैयाँबराबरको ऋणपत्र ल्याउन अनुमति पाएको छ।
नेपाल धितोपत्र बोर्डले बैंकलाई ‘लक्ष्मी सनराइज बैंक डिबेन्चर २०९२’ नामक ऋणपत्र ल्याउन अनुमति दिएको हो। अब बैंकले १ हजार रुपैयाँ अंकित दरका कुल ३० लाख इकाइ ऋणपत्र जारी गर्नेछ।
कुल इकाइमध्ये बैंकले १८ लाख इकाइ व्यक्तिगत तबरबाट बिक्री गर्नेछ। बाँकी १२ लाख इकाइको भने बैंकले सार्वजनिक निष्कासन गर्नेछ।
यो १० वर्षे अवधिको ऋणपत्र हो। यसमा लगानीकर्ता वार्षिक ७ प्रतिशत ब्याज पाउनेछन्।
लक्ष्मी सनराइज बैंकको ऋणपत्र बिक्री प्रबन्धकमा माछापुच्छ्रे क्यापिटल रहेको छ।
