काठमाडौं । नेपाली बजारमा आज शुक्रबार सुनको भाउ सामान्य बढेको छ भने चाँदीको भाउ घटेको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ८ सय रुपैयाँले बढेको छ।
योसँगै प्रतितोला आज सुन २ लाख ७९ हजार १ सय रुपैयाँ कायम भएको छ। हिजो सुन तोलामा २ लाख ७८ हजार ३ सय रुपैयाँमा किनबेच भएको थियो।
आज चाँदीको भाउ भने घटेको छ । आज चाँदी तोलामा ५५ रुपैयाँले घटेको हो । यससँगै आज चाँदी तोलामा ४ हजार १८० रुपैयाँ कायम भएको छ। हिजो चाँदी तोलमा ४ हजार २३५ रुपैयाँमा कारोबार भएको थियो।
