काठमाडौं । साताको अन्तिम कारोबार दिन शुक्रबार शेयर बजारमा झिनो अंकले बढेको छ। नेप्से परिसूचक १.६३ अंकले बढेर २७०२.११ को विन्दुमा बन्द भएको हो।
बजार बढ्दा नेप्से उपसमूहमा रहेका ७ वटा समूह बढेका छन् भने ६ वटा घटेका छन्। यो दिन व्यापार समूह सर्वाधिक ०.७५ प्रतिशतले बढ्दा म्युचुअल फन्ड समूह सर्वाधिक ०.४९ प्रतिशतले घटेको छ।
यो दिन बजारमा ११६ कम्पनीको शेयरभाउ बढेको छ भने १४० कम्पनीको घटेको छ। आज १७ कम्पनीको शेयरभाउ स्थिर रहेको छ।
बजारमा आज साढे ४ अर्ब रुपैयाँ बढीको कारोबार भएको छ। सर्वाधिक कारोबार ग्लोबल आइएमई बैंकका डिबेन्चेरहरुको भएको छ। आज ४ वटा डिबेन्चर (डिबेन्चर)को सर्वाधिक कारोबार भएको छ। यद्यपि, सर्वाधिक कारोबार भएका २ डिबेन्चरको मूल्य घटेको भने २ वटाको बढेको छ।
उच्च कारोबार भएका १० कम्पनी
- ग्लोबल आइएमई बैंक डिबेन्चर ८६।८७ः ३३ करोड ११ लाख रुपैयाँ
- ग्लोबल आइएमई बैंक डिबेन्चर ८४।८५ः ३२ करोड ७६ लाख रुपैयाँ
- सोपान फर्मास्युटिकल्सः २० करोड १३ लाख रुपैयाँ
- आँखुखेला जलविद्युतः १९ करोड ५२ लाख रुपैयाँ
- युनाइटेड मोदी हाइड्रोपावरः १४ करोड २९ लाख रुपैयाँ
- नेपाल बैंक डिबेन्चरः १३ करोड ३९ लाख रुपैयाँ
- बुंगल हाइड्रोः ११ करोड ३९ लाख रुपैयाँ
- सोलु हाइड्रोपावरः ८ करोड ७१ लाख रुपैयाँ
- नबिल डिबेन्चरः ८ करोड ६० लाख रुपैयाँ
- सिटी होटलः ८ करोड ३४ लाख रुपैयाँ
