काठमाडौं । शेयर बजारमा समूहगत सूचकको बजार पुँजीकरण अवस्था मिश्रित रहेको छ। नेपाल राष्ट्र बैंकले सार्वजनिक गरेको गत आर्थिक वर्ष २०८२।८३ को वैशाखसम्मको तथ्यांकले यस्तो देखाएको हो। अघिल्लो वर्षको तुलनामा ५ वटा समूहको बजार पुँजीकरण घटेको छ भने बाँकीको बढेको छ।
तथ्यांकअनुसार नेप्सेमा बीमा कम्पनीहरुको बजार पुँजीकरण पछिल्लो १ वर्षमा घटेको छ। समीक्षा वर्षमा बीमा कम्पनीहरुको बजार पुँजीकरण ५ खर्ब ८७ अर्ब २५ करोड रुपैयाँ रहेको छ। जुन अघिल्लो वर्षको यही अवधिसम्मको तुलनामा ९ प्रतिशतले कम हो।
समीक्षा वर्षमा अवधिमा उत्पादन तथा प्रशोधन समूहका लगानीकर्ताको सम्पत्तिमा उछाल आएको छ। अघिल्लो वर्षको तुलनामा समीक्षा अवधिमा यो समूहको बजार पुँजीकरण ६७ प्रतिशतले बढेर ४ खर्ब ७ अर्ब ७३ करोड रुपैयाँ पुगेको छ।
यसैगरी होटल समूहको बजार पुँजीकरण ३०.८ प्रतिशतले बढेको छ। योसँगै नेप्सेमा होटल समूहको बजार पुँजीकरण १ खर्ब ५५ अर्ब ३१ करोड रुपैयाँ पुगेको छ।
पछिल्लो १ वर्षमा जलविद्युत समूहको बजार पुँजीकरण २०.२ प्रतिशतले बढेको छ। यो समूहको बजार पुँजीकरण ८ अर्ब १३ अर्ब ९९ करोड रुपैयाँ पुगेको छ।
त्यस्तै पछिल्लो १ वर्षको अवधिमा बैंकिङ समूहको १०.७ प्रतिशत, विकास बैंकको ७ प्रतिशत र लघुवित्त समूहको ३.१ प्रतिशतले बढेको छ भने वित्त समूहको २.५ प्रतिशत, व्यापार समूहको १३.३ प्रतिशत, लगानी समूहको ७.३ प्रतिशत र अन्य समूहको १२.४ प्रतिशतले बजार पुँजीकरण घटेको छ।
समग्रमा नेप्से परिसूचक भने पछिल्लो एक वर्षको अवधिमा ६.८ प्रतिशतले बढेर वैशाखसम्म ४६ खर्ब ५६ अर्ब ४५ करोड रुपैयाँ पुगेको छ।
