काठमाडौं । सोमबार बिहान त्रिभूवन अन्तर्राष्ट्रिय विमानस्थलमा अवतरण गर्ने क्रममा टर्किस एयरलाइन्सको विमानको चक्कामा आगलागी भएको छ।
इस्तानबुलबाट काठमाडौंका लागि उडेको TK726 कलसाइन भएको विमान आज बिहान करिब ६:४५ बजे धावनमार्गमा अवतरण गरिरहेको थियो।
विमानले धावनमार्गमा टेकेलगत्तै विमानको टायर बाट आगोको लप्का र धुवाँ देखिएको थियो। प्राविधिक समस्याका कारण टायरमा घर्षण भई आगो लागेको प्रारम्भिक अनुमान गरिएको छ।
विमानमा आगो देखिने बित्तिकै विमानस्थलका दमकल र उद्धार टोली घटनास्थल पुगेका थिए। टोलीले तत्कालै आगो नियन्त्रणमा लिएको थियो।
विमानमा सवार सबै यात्रु र चालक दलका सदस्यहरूलाई आपतकालीन ढोकाबाट सुरक्षित रूपमा बाहिर निकालिएको छ। यस घटनामा हालसम्म कुनै मानवीय क्षतिको विवरण प्राप्त भएको छ।
घटनापछि केही समयका लागि त्रिभुवन अन्तर्राष्ट्रिय विमानस्थलको उडान र अवतरण प्रभावित भएको थियो। अहिले विमानलाई धावनमार्गबाट हटाएर प्राविधिक परीक्षण गर्ने कार्य भइरहेको छ।
विमानस्थल कार्यालयका अनुसार विमानमा भएको क्षतिको विस्तृत विवरण र आगलागीको वास्तविक कारण पत्ता लगाउन अनुसन्धान सुरु गरिएको छ।
