काठमाडौं । प्रभु बैंकले ५ अर्ब रुपैयाँबराबरको अविमोच्य असञ्चिति अग्राधिकार शेयर जारी गर्ने भएको छ।
बैंक सञ्चालक समितिको बैठकले विशेष साधारणसभा र नेपाल राष्ट्र बैंकलगायतका नियमनकारी निकायको स्वीकृतिमा अग्राधिकार शेयर जारी गर्ने निर्णय गरेको हो। जसअनुसार बैंकले १०० रुपैयाँ अंकित दरका कुल ५ करोड इकाइ अग्राधिकार शेयर जारी गर्नेछ।
यो अग्राधिकार शेयरको वार्षिक लाभांश दर ८.५ प्रतिशत रहने बैंकले जनाएको छ। यो लाभांश बैंक नाफामा रहेको वर्षहरुमा मात्रै वितरण हुनेछ।
