काठमाडौं । प्रतिनिधिसभा निर्वाचनअन्तर्गत खसेको समानुपातिक मतमा पनि राष्ट्रिय स्वतन्त्र पार्टी (रास्वपा)ले २ लाख मत कटाएको छ।
निर्वाचन आयोगले सार्वजनिक गरेको तथ्यांकअनुसार हालसम्म देशका विभिन्न निर्वाचन क्षेत्रमा कुल ३ लाख ८३ हजार ९८६ समानुपातिक मत गणना भएको छ। जसमा रास्वपा एक्लैले २ लाख ५ हजार ६०९ मत ल्याएको छ। यो भनेको ५३.५५ प्रतिशत हो।
दोस्रो धेरै समानुपाति मत ल्याउनेमा नेपाली कांग्रेस रहेको छ। कांग्रेसले १६.५४ प्रतिशत अर्थात ६३ हजार ५२८ मत ल्याएको छ।
यसैगरी नेकपा (एमाले)ले ४९ हजार ९३४ र नेकपाले २० हजार १४७ मत ल्याएका छन्। हालसम्म कुल मतमा एमालेको हिस्सा १३ प्रतिशत र नेकपाको ५.२५ प्रतिशत रहेको छ।
बाँकी मत अन्य मत राप्रपालगायतका दलहरुले ल्याएका छन्।
