काठमाडौं । प्रतिनिधिसभा सदस्य निर्वाचनअन्तर्गत काठमाडौं क्षेत्र ६ मा राष्ट्रिय स्वतन्त्र पार्टी (रास्वपा)का उम्मेदवार शिखिर खनाल भारी मतान्तरले विजयी भएका छन्। योसँगै रास्वपाले हालसम्म ४ निर्वाचन क्षेत्रमा विजयी हासिल गरेको छ।
काठमाडौं क्षेत्र नं. ६ मा ४३ हजार ८६३ मत गणना हुँदा खनालले २७ हजार ७१९ मत ल्याएका छन्। उनका निकटतम प्रतिद्वन्द्वी नेपाली कांग्रेसका उम्मेदवार सबुज बानियाँले ६ हजार ६४७ मत ल्याएका छन्। खनालले प्राप्त गरेको मत बानियाँको भन्दा ४ गुणा बढी हो।
यस क्षेत्रमा नेकपा एमालेका उम्मेदवार अमन मास्केले ४ हजार ३७३ मत प्राप्त गरेका छन्।
