काठमाडौं । यती एयरलाइन्सले प्रतिनिधिसभा सदस्य निर्वाचनको दिन फागुन २१ गते उडानहरु स्थगित गरेको छ।
कम्पनीले आज एक सूचनाका प्रकाशित गर्दै फागुन २१ गते निर्वाचनको दिन आफ्ना सम्पूर्ण आन्तरिक उडान सेवा स्थगित रहने जानकारी गराएको हो। फागुन २२ गतेबाट भने नियमित उडान सेवाहरु पूर्ववत रुपमा सञ्चालनमा आउने कम्पनीले जनाएको छ।
उडान स्थगितले पर्न जाने असुविधाप्रति कम्पनीले क्षमा मागेको छ। यद्यपि, मतदान गरी जिम्मेवार नागरिक बन्न कम्पनीले अपिल पनि गरेको छ।
