काठमाडौं । बीमा कम्पनीहरुले मुद्दति निक्षेप खाता खोलेपछि एयरमार्क प्रणालीमा ब्लक रिक्वेस्ट पेस गर्ने समयसीमा बढेको छ।
नेपाल बीमा प्राधिकरणले बीमकको मुद्दति निक्षेपमा एयरमार्कसम्बन्धी मार्गदर्शन २०८१ मा संशोधन गर्दै ब्लक रिक्वेस्ट पेस गर्ने समयसीमा बढाएको हो। अब बीमा कम्पनीहरुले मुद्दति निक्षेप खाता खोलिएको १५ कार्यदिनभित्र एयरमार्क प्रणालीमा ब्लक रिक्वेस्ट पेस गर्नुपर्नेछ।
यसअघि ब्लक रिक्वेट पेस गर्ने समयसीमा ७ कार्यदिनभित्र रहेको थियो।
अब संशोधित व्यवस्थाबमोजिम तोकिएको अवधिपश्चात पेस गरिएको कुनै पनि ब्लक रिक्वेस्टमाथि कारबाही अगाडि नबढाइने प्राधिकरणले जनाएको छ।
प्राधिकरणका अनुसार संशोधित व्यवस्था आउँदो चैत १ गतेदेखि लागू हुनेछ।
