काठमाडौं । सन् २०२५ मा विश्वभर सर्वाधिक बिक्री भएका १० स्मार्टफोनको सूची सार्वजनिक भएको छ। काउन्टरप्वइन्ट रिसर्चले सर्वाधिक बिक्री भएका १० स्मार्टफोनको सूची सार्वजनिक गरेको हो।
रिसर्चका अनुसार सन् २०२५ मा आईफोन १६ विश्वभर सबैभन्दा धेरै बिक्री हुने स्मार्टफोन बनेको छ। यसपटक एप्पल र सामसुङले सर्वाधिक बिक्री हुने फोनहरुको सूचीमा प्रभुत्व जमाइरहेका छन्। सन् २०२४ मा लन्च गरिएको आईफोन १६ विश्वव्यापी रुपमा सबैभन्दा धेरै बिक्री हुने स्मार्टफोनको सूचीमा पहिलो स्थानमा छ।
एप्पलको आईफोन १६ प्रो पनि दोस्रो स्थानमा छ र त्यसपछि आईफोन १६ प्रो म्याक्स यो सूचीको तेस्रो स्थानमा परेको छ। एप्पलकै आईफोन १६ई चौथो स्थानमा छ र सामसुङको ग्यालेक्सी ए१६ फाइभजी पाँचौँ स्थानमा छ।
सन् २०२४ को तेस्रो त्रैमासिकमा आईफोन १५ सबैभन्दा धेरै बिक्री हुने स्मार्टफोनमध्ये पहिलो स्थानमा थियो। त्यसपछि आईफोन १५ प्रो म्याक्स र आईफोन १५ प्रो थियो। ग्यालेक्सी ए१४ फाइभजी चौथो स्थानमा थियो।
चार एप्पल स्मार्टफोन शीर्ष १० सर्वाधिक बिक्री हुने स्मार्टफोन सूचीमा थिए भने पाँच सामसुङका थिए। केवल एउटा शाओमी स्मार्टफोन रेडमी १३सी फोरजी सूचीमा पर्यो।
सन् २०२५ को तेस्रो त्रैमासिकमा कुनै पनि शाओमी स्मार्टफोन सबैभन्दा बढी बिक्री हुने सूचीमा देखा परेन। पाँच एप्पल स्मार्टफोन यस सूचीमा थिए भने पाँच सामसुङका थिए।
