काठमाडौं । शेयर बजारमा सोमबार सामान्य करेक्सन आएको छ। नेप्से परिसूचक ३.०७ अंकले घटेर २७६९.०९ को विन्दुमा झरेको छ।
बजार घट्दा नेप्से उपसमूहमा रहेका ४ वटा समूह बढेका छन् भने ९ वटा घटेका छन्। यो दिन होटल तथा पर्यटन समूह सर्वाधिक १.६७ प्रतिशतले बढ्दा लगानी समूहमा सर्वाधिक ०.५५ प्रतिशतको गिरावट देखिएको छ।
यो दिन बजारमा ८८ कम्पनीको शेयरभाउ बढेको छ भने १६५ कम्पनीको घटेको छ। आज ७ कम्पनीको शेयरभाउ स्थिर रहेको छ।
बजारमा आज १६ अर्ब ३५ करोड रुपैयाँ बढीको कारोबार भएको छ। सर्वाधिक कारोबार हिमालयन पावर पार्टनरको भएको छ।
उच्च कारोबार भएका १० कम्पनी
- हिमालयन पावर पार्टनरः ६५ करोड ९३ लाख रुपैयाँ
- आँखुखोला जलविद्युतः ५६ करोड १६ लाख रुपैयाँ
- मञ्जुश्री फाइनान्सः ५२ करोड ३२ लाख रुपैयाँ
- एसवाई प्यानलः ५० करोड १७ लाख रुपैयाँ
- बन्दीपुर केबलकारः ४० करोड ५५ लाख रुपैयाँ
- श्रीनगर एग्रीटेकः ३६ करोड ५७ लाख रुपैयाँ
- सान्भी इनर्जीः ३४ करोड ७६ लाख रुपैयाँ
- एनआरएन इन्फ्रास्ट्रक्चरः ३४ करोड ७४ लाख रुपैयाँ
- ङादी ग्रुप पावरः ३२ करोड ७१ लाख रुपैयाँ
- राधी विद्युतः २९ करोड ४६ लाख रुपैयाँ
