काठमाडौं । अमेरिकामा हिमआँधीले विनाश मच्चाएको छ। आँधीको प्रभाव जताततै देखिन्छ र सर्वसाधारणलाई कठिना जारी छन्। न्यु मेक्सिकोका१० लाखभन्दा बढी मानिसहरु बिजुलीविहीन छन्। आइतबार १० हजारभन्दा बढी उडान रद्द गरिएका छन्।
देशको पूर्वी दुई तिहाइ भागमा भारी हिउँ, असिना र कडा चिसो परेको छ। जसले गर्दा बिजुली आपूर्ति झनै खराब भएको छ। १० लाखभन्दा बढी मानिस आफ्नो घरमा बिजुलीविहीन छन्।
आँधीबाट प्रभावित अमेरिकी राज्यहरु
टेनेसी, मिसिसिपी र लुइसियाना सबैभन्दा बढी प्रभावित छन्। टेक्सास, केन्टकी, जर्जिया, वेस्ट भर्जिनिया र अलाबामा पनि उल्लेखनीय रुपमा प्रभावित छन्।
उडान ट्रयाकिङ वेबसाइट फ्लाइटअवेयरका अनुसार आइतबारका लागि तय गरिएका १० हजार ८०० भन्दा बढी अमेरिकी उडानहरु रद्द गरिएका छन्। शनिबार पनि ४ हजारभन्दा बढी उडान रद्द गरिएका थिए। न्यूयोर्क, फिलाडेल्फिया र उत्तरी क्यारोलिनाको धेरै प्रमुख सहरमा विमानस्थलहरुमा ८० प्रतिशतभन्दा बढी उडानहरु रद्द गरिएका छन्।
डेल्टा एयरलाइन्सले हिउँ आँधीका कारण सीमित उडानहरु सञ्चालन गर्ने बताएको छ। एयरलाइन्सले शनिबार एटलान्टा र बोस्टन र न्यूयोर्कसहित धेरै पूर्वी तटीय सहरहरुमा थप उडानहरु पनि रद्द गरेको छ।
मौसम विभागको चेतावनी
राष्ट्रिय मौसम सेवाका अनुसार आइतबारदेखि सोमबार बिहानसम्म ओहायो उपत्यकाबाट उत्तरपूर्वी अमेरिकासम्म भारी हिमपात हुने अपेक्षा गरिएको छ। न्यु इंग्ल्यान्डमा १८ इन्चसम्म हिउँ पर्न सक्छ। गृह सुरक्षा विभागका अनुसार १७ राज्य र वासिंगटन, डीसीमा मौसम आपतकाल घोषणा गरिएको छ।
ऊर्जा विभागले शनिबार टेक्सासमा ब्ल्याकआउट रोक्न आपतकालीन आदेश जारी गरेको थियो। जसले डाटा सेन्टरहरु र अन्य ठूला संस्थाहरुमा ब्याकअप पावर स्रोतहरुको प्रयोगलाई अनुमति दियो। –एजेन्सी
