काठमाडौं । अमेरिकी राष्ट्रपति डोनाल्ड ट्रम्पले देशको सबैभन्दा ठूलो बैंक जेपी मोर्गन चेसविरुद्ध ५ अर्ब डलरको मुद्दा दायर गरेका छन्। उनले बैंकलाई राजनीतिक कारणले अवैध रुपमा आफ्नो खाता बन्द गरेको आरोप लगाएका छन्।
मुद्दामा बैंकका प्रमुख कार्यकारी अधिकृत जेमी डिमनको पनि नाम छ। मुद्दापत्रमा भनिएको छ, ‘सन् २०२१ मा बैंकले अचानक आफ्नो खाता बन्द गरेपछि ट्रम्प र उनका व्यवसायले ठूलो आर्थिक क्षति र प्रतिष्ठामा क्षति पुगेको छ।’
सन् २०२१ जनवरी ६ मा ट्रम्प समर्थकहरुले क्यापिटल हिलमा आक्रमण गरेर चुनावी नतिजाको औपचारिक पुष्टिकरणमा बाधा पुर्याउने प्रयास गरेको दंगापछि बैंकले यी खाताहरु बन्द गर्ने निर्णय गरेको थियो। जेपी मोर्गन चेसका प्रवक्ताले भने, ‘यो मुद्दाको कुनै आधार छैन। जेपीएमले राजनीतिक वा धार्मिक कारणले खाताहरु बन्द गर्दैन।’
बैंकले एक विज्ञप्तिमा भनेको छ, ‘हामी खाताहरु बन्द गर्छौं जब तिनीहरुले कम्पनीलाई कानुनी वा नियामक जोखिम दिन्छन्।’
ट्रम्पले सप्ताहन्तमा यो मुद्दाका बारेमा चर्चा गरेका थिए। डिमनले विगत दुई दशकदेखि जेपी मोर्गनको नेतृत्व गर्दै आएका छन्।
हालैका हप्ताहरुमा डिमोनले क्रेडिट कार्ड सीमा निर्धारण गर्ने प्रशासनको प्रस्तावको विरोध गरेका छन्। उनले आप्रवासन नीति र फेडरल रिजर्भमा प्रशासनको अडानको पनि आलोचना गरेका छन्।
