काठमाडौं । शेयर बजारमा मंगलबार हरियाली छाएको छ। नेप्से परिसूचक ४२.२६ अंकले बढेर २७१४.८१ को विन्दुमा बन्द भएको हो।
बजार बढ्दा नेप्से उपसमूहमा रहेका १३ वटै समूहमा हरियाली छाएको छ। यो दिन नेप्से उपसमूहमा रहेको होटल तथा पर्यटन समूह सर्वाधिक ३.३६ प्रतिशतले बढेको छ।
आज बजारमा २२४ कम्पनीको शेयरभाउ बढेको छ भने ३१ वटाको घटेको छ। यो दिन ५ वटा कम्पनीको शेयरभाउ स्थिर रहेको छ।
बजारमा आज ११ अर्ब ८५ करोड रुपैयाँ बढीको कारोबार भएको छ। सर्वाधिक कारोबार एनआरएन इन्फ्रास्ट्रक्चरको भएको छ।
उच्च कारोबार भएका १० कम्पनी
- एनआरएन इन्फ्रास्ट्रक्चरः ४० करोड ७९ लाख रुपैयाँ
- राधी विद्युतः ३९ करोड ३ लाख रुपैयाँ
- मञ्जुश्री फाइनान्सः ३७ करोड ७ लाख रुपैयाँ
- ग्रीन भेन्चर्सः ३० करोड १३ लाख रुपैयाँ
- एसवाई प्यानलः २६ करोड ८७ लाख रुपैयाँ
- बन्दीपुर केबलकारः २६ करोड ८४ लाख रुपैयाँ
- आँखुखोला जलविद्युतः २५ करोड ३७ लाख रुपैयाँ
- युनाइडेट मोदी हाइड्रोपावरः २४ करोड ७० लाख रुपैयाँ
- ङादी ग्रुप पावरः २४ करोड ६६ लाख रुपैयाँ
- बुटवल पावरः २४ करोड ६ लाख रुपैयाँ
