काठमाडौं । अमेरिकाले भेनेजुएलामा आक्रमण गरेको छ र राष्ट्रपति निकोलस मादुरो र उनकी पत्नी सिलिया फ्लोरेसलाई पक्राउ गरेको छ। यो कदमले विश्वव्यापी रुपमा हलचल मच्चाएको छ। धेरै देशहरुले यो कदमको आलोचना गरिरहेका छन्।
यसैबीच निकोलस मादुरोले पक्राउ पर्दा लगाएको हुडी ट्रयाकसुटले विश्व बजारमा हलचल मच्चाएको छ। मादुरोको पक्राउ परेको केही घन्टाभित्रै अमेरिकी राष्ट्रपति डोनाल्ड ट्रम्पले मादुरोलाई हत्कडी लगाएको र आँखामा पट्टी बाँधिएको देखाइएको फोटो सार्वजनिक गरेका थिए। फोटोमा भेनेजुएलाका राष्ट्रपतिले खैरो नाइके टेक फ्लिस ट्रयाकसुट लगाएका थिए। यो ट्रयाकसुट सामाजिक सञ्जालमा भाइरल भएको छ। यसले गम्भीर भूराजनीतिक घटनालाई फेसन ट्रेन्डमा परिणत गरेको छ।
भाइरल फोटो
मादुरोको भाइरल फोटोले सामाजिक सञ्जालमा हलचल मच्चायो। फोटो द्रुत रुपमा फैलियो र मिश्रित प्रतिक्रिया निम्त्यायो। केही मानिसले यो हेलोविन पोसाकजस्तो देखिन्छ भनेर ठट्टा गरे। अरुले नाइके टेक फ्लिसका लागि गुगल खोजीमा अचानक वृद्धि भएको रिपोर्ट गरे।
यसको मूल्य कति छ ?
मानिसहरु यो नाइके हुडी ट्रयाकसुट किन्न हतार गरिरहेका थिए। सामाजिक सञ्जालमा केही व्यक्तिले ट्रयाकसुट धेरै प्लेटफर्महरुमा स्टक बाहिर रहेको रिपोर्ट गरे। यद्यपि, ट्रयाकसूट अझै पनि नाइकेसहित धेरै अनलाइन प्लेटफर्महरुमा उपलब्ध छ। नाइकेको आधिकारिक वेबसाइटमा ज्याकेटको मूल्य १४० डलर र प्यान्टको मूल्य १२० डढलर रहेको छ।
ट्रयाकसुट ई–बेसहित धेरै ई–कमर्स प्लेटफर्ममा बिक्रीका लागि पनि उपलब्ध छ। यद्यपि, यसको मूल्य प्लेटफर्महरुमा फरक–फरक हुन्छ। यो हुडी ट्रयाकसुट पुनः प्रयोग गरिएको पलिएस्टर र जैविक कपास फाइबर प्रयोग गरेर कम्तीमा ५०% दिगो सामग्रीबाट बनेको दाबी गरिएको छ।
अन्य वस्तुको मूल्य कति हो?
ट्रयाकसुटको अतिरिक्त मादुरोलाई विशेष स्लिप मास्क र कान प्रोटेक्टर लगाएको तस्बिरमा पनि देखिएको छ। मादुरोले ६ डलरको वान्मे स्लिप मास्क र ११ डलरको फ्लिन्ट्रोनिक एन्टी–नाइज इयर प्रोटेक्टर पनि लगाएका थिए। –एजेन्सी
