काठमाडौं । समृद्धि फाइनान्स र पोखरा फाइनान्सबीचको मर्जरका लागि शेयर स्वाप रेसियो तय गरिएको छ।
संयुक्त मर्जर समितिबाट दुवै कम्पनीको मूल्यांकनकर्ताले सम्पत्ति, दायित्व तथा कारोबार मूल्यांकन गरी दिएको मूल्यांकन प्रतिवेदनसमेतका आधारमा शेयर स्वाप रेसियो तय गरिएको हो।
मूल्यांकन प्रतिवेदनमा दुवै कम्पनी १ः१ अनुपातमा मर्जर जान उपयुक्त रहेको देखाइएको थियो। त्यसपछि दुवै कम्पनीको पुस २० गते बसेको सञ्चालक समितिको बैठकले यो शेयर स्वाप रेसियो अनुमोदन गरेको छ।
