काठमाडौं । नेपाल टेलिकमले आर्थिक वर्ष २०८१।८२ का लागि लाभांश घोषणा गरेको छ।
कम्पनी सञ्चालक समितिको मंगलबार बसेको बैठकले उक्त आर्थिक वर्षको खुद मुनाफाबाट शेयरधनीहरुलाई प्रतिशेयर ३० रुपैयाँ नगद लाभांश वितरण गर्ने निर्णय गरेको हो।
यो लाभांश अर्थ मन्त्रालयको स्वीकृतिपछि यही पुस ३० गते आयोजना गरिने १८ औँ वार्षिक साधारणसभाबाट अनुमोदन गरिने कम्पनीले जनाएको छ।
लाभांश र साधारणसभा प्रयोजनार्थ कम्पनीले पुस २० गतेदेखि पुस ३० गतेसम्म बुक क्लोज गर्ने निर्णय गरेको छ। यसको अर्थ पुस २० गतेभन्दा अघिसम्म कायम शेयरधनीहरु यो कम्पनीको लाभांश पाउन र सभा भाग लिन योग्य हुनेछन्।
