काठमाडौं । नेपाल र युरोपेली बजारमा नम्बर १ स्थान कायम गरिसकेको प्रीमियम घरेलु उपकरण ब्रान्ड बेकोले नेपाली बजारमा एक विशिष्ट ग्राहक अभियानको सुरुवात गरेको छ। डिजाइन्ड फर होम। क्राउन्ड विद क्रिकेट शीर्षकको यस अभियानले बेकोको विश्वस्तरीय गुणस्तर र डिजाइनलाई नेपालीहरूको क्रिकेटप्रतिको अगाध लगावसँग जोड्दै, एउटा अद्वितीय र अनुपम अनुभवको प्रस्ताव गरेको छ।
यस अभियानको मुख्य आकर्षण आइसीसी टि २० विश्वकप २०२६ अन्तर्गत नेपालको खेल मुम्बईको वानखेडे स्टेडियममा प्रत्यक्ष हेर्न पाउने र पाँच दिने मुम्बई यात्राको सुनौलो अवसर हो। बेकोले आफ्नो युरोपेली सुन्दरता र दक्षतालाई नेपाली जीवनशैलीसँग एकिकृत गर्दै यो प्रीमियम अवसर प्रस्तुत गरेको छ।
अल्टिमेट अनुभवः मुम्बई विश्वकप यात्रा
भाग्यशाली विजेतालाई मुम्बईको पाँच दिने सम्पूर्ण यात्रा प्याकेज प्रदान गरिनेछ। यस यात्राको सबैभन्दा उत्कृष्ट क्षण वानखेडे स्टेडियममा विश्वकपको रोमाञ्चकारी माहोलमा नेपाली टिमको प्रदर्शन हेर्ने अवसर हो। यस अभियानमा सहभागी हुन बेकोको कुनै पनि उत्पादन खरिद गरेपछि, तलको ढाँचामा एसएमएस पठाउनुहोस्
Beko [space] वारेन्टी कार्ड नं [space] उत्पादनको नाम [space] ग्राहकको नाम [space] ठेगाना
यो एसएमएस ३१००३ नम्बरमा पठाउनुहोस्।
खरिदसँगै प्रीमियम उपहार
अभियान अवधिमा बेको उत्पादन खरिद गर्दा ग्राहकहरूले विशेष उपहार पनि प्राप्त गर्नेछन्
बेको वाशिंग मेसिनः ३ केजी एरियल म्याटिक डिटर्जेन्ट निःशुल्क, बेको एयर कन्डिसनरः निःशुल्क स्थापना सेवा
नेपालमा बेकोका सम्पूर्ण प्रीमियम उत्पादनहरू सिजी इलेक्ट्रोनिक्स मार्फत मात्र उपलब्ध छन्, जसले अन्तर्राष्ट्रिय स्तरको गुणस्तर, विश्वसनीय सेवा र सम्पूर्ण वारेन्टी सुरक्षाको ग्यारेन्टी दिन्छ। यो विशेष अभियान सीमित अवधिका लागि मात्र सञ्चालनमा रहनेछ। सबै नियम र शर्तहरू लागू हुनेछन्।
बेको युरोपको अग्रणी घरेलु उपकरण ब्रान्ड हो, जसले उन्नत प्रविधि, ऊर्जा दक्षता र सुरुचिपूर्ण डिजाइनलाई संयोजन गर्दै आधुनिक घरका लागि उत्कृष्ट समाधानहरू प्रस्तुत गर्दछ। सिजी इलेक्ट्रोनिक्स नेपालको प्रतिष्ठित उपभोक्ता इलेक्ट्रोनिक्स र घरेलु उपकरण वितरक हो, जसले अन्तर्राष्ट्रिय ब्रान्डहरूको गुणस्तर नेपाली उपभोक्तासम्म पुर्याउन महत्वपूर्ण भूमिका निर्वाह गर्दै आएको छ।
