काठमाडौं । अस्ट्रेलियाली बीमा कम्पनीहरुले वर्ष २०२४ स्वास्थ्य लाभअन्तर्गत हालसम्मकै उच्च दाबी भुक्तानी गरेका छन्।
नोभेम्बर २०२५ मा प्रकाशित निजी स्वास्थ्य सेवा अस्ट्रेलियाको रिपोर्टअनुसार अस्ट्रेलियाका बीमा कम्पनीहरुले डिसेम्बर २०२४ सम्मको १२ महिनाको अवधिमा स्वास्थ्य लाभमा लगभग ९.४ अर्ब अस्ट्रेलियन डलर भुक्तानी गरेका हुन्। ‘वार्षिक अस्पताल उच्च दावी २०२५’ रिपोर्टअनुसार स्वास्थ्य कोषले सन् २०२४ मा कुल ४ लाख ५३ हजार २५९ अस्पताल उच्च दाबी तिरेको छ। जुन अहिलेसम्मकै उच्च हो। यो १ वर्षअघिको सोही समयको तुलनामा ९ प्रतिशतले वृद्धि भएको छ।
उच्च दाबीहरुले ती दाबीलाई जनाउँछ जहाँ कुल बीमा कम्पनी लाभ भुक्तानी १० हजार अस्ट्रेलियन डलरभन्दा बढी हुन्छ। उच्च दाबीहरुले २०२४ मा भुक्तानी गरिएका सबै अस्पताल लाभको ५०.४ प्रतिशत ओगटेको छ। जुन २०२३ को तुलनामा १.३ प्रतिशत अंकले वृद्धि हो।
निजी स्वास्थ्य सेवा अस्ट्रेलियाका अनुसार यो वृद्धिले अस्ट्रेलियामा अस्पताल हेरचाहको बढ्दो कठिनाइ र लागतलाई प्रतिविम्बित गर्दछ।
