काठमाडौं । वैश्विक इन्स्योरेन्स आईटी बजार सन् २०२५ मा साढे ११ प्रतिशतले बढ्ने अनुमान गरिएको छ।
बिजनेस रिसर्च कम्पनीले सन् २०२४ को तुलनामा २०२५ मा वैश्विक इन्स्योरेन्स आईटी बजार ११.६ प्रतिशतले बढ्ने अनुमान गरेको हो। सन् २०२४ यो बीमा बजारको आकार ३०१.७ अर्ब डलर थियो। सन् २०२५ बढेर ३३६.६ अर्ब डलर पुग्ने अनुमान गरिएको छ।
कम्पनीले यो वृद्धिको श्रेय नियामक अनुपालन दबाब, म्यानुअल प्रक्रियामा अक्षमता, बढ्दो डाटा भोल्युम, अनुकूलित बीमा उत्पादनको बढ्दो माग र अनलाइन पोलिसी प्लेटफर्महरुको द्रुत अपनाइलाई दिएको छ। ‘यो बीमा बजार सन् २०२९ सम्ममा ५१४.५ अर्ब डलर पुग्ने अनुमान गरिएको छ’, कम्पनीले भनेको छ, ‘जुन वार्षिक औसत ११.२ प्रतिशतको चक्रवृद्धिले प्रतिनिधित्व गर्नेछ।’
सरलीकृत डिजिटल दाबी प्रक्रियाको प्रवर्द्धन, प्रयोगमा आधारित बीमा मोडेलहरुको व्यापक अपनाइ, अन्डरराइटिङमा टेलिमेटिक्सको प्रयोग, प्रत्यक्ष पत्ता लगाउने प्रणालीमार्फत ठगी न्यूनीकरण र एम्बेडेड बीमा वितरणको वृद्धिद्वारा वृद्धि सञ्चालित हुने कम्पनीले जनाएको छ।
