काठमाडौं । नेपाल बीमा प्राधिकरण न्याय सम्पादनमा सुस्त बन्दै गएको छ।
प्राधिकरण आफैँले प्रकाशन गरेको बीमा प्रतिविम्बको तथ्यांकअनुसार यस्तो देखिएको छ। चालु आर्थिक वर्ष २०८२।८२ को असोज महिनामा प्राधिकरणले ३ वटा उजुरी मात्रै फर्छ्यौट गरेको देखिन्छ। जब कि साउन र भदौमा प्राधिकरणबाट २७ वटा उजुरी फर्यौट भएका थिए।
नेपाल बीमा प्राधिकरणले चालु आर्थिक वर्षको पहिलो ३ महिना असोजसम्म कुल ३० उजुरी फर्छ्यौट गरेको छ। जसमा २३ वटा उजुरीको फैसला र ७ वटाको सहमति गरिएको छ।
प्राधिकरणका अनुसार चालु आर्थिक वर्षको असोजसम्म ४२६ वटा उजुरी परेका थिए। जसमा चालु आर्थिक वर्ष पहिलो ३ महिनामा परेका ३२ वटा र गत आर्थिक वर्ष २०८१।८२ बाट सरिआएका ३९४ उजुरी छन्।
प्राधिकरणले अझै ३९६ वटा उजुरी राफसाफ गर्न बाँकी रहेको देखिन्छ।
