काठमाडौं । कृषि विकास बैंकले गत आर्थिक वर्ष २०८१।८२ का लागि लाभांश घोषणा गरेको छ।
बैंक सञ्चालक समितिको बुधबार बसेको बैठकले गत आर्थिक वर्षको मुनाफाबाट हाल कायम चुक्तापुँजीको कुल १३ प्रतिशत लाभांश वितरण गर्ने निर्णय गरेको छ। जसमा ३.२५ प्रतिशत बोनस शेयर र लाभांशमा लाग्ने करसमेत गरी ९.७५ प्रतिशत नगद लाभांश छन्।
प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधराणसभाबाट अनुमोदन गरी वितरण गरिने बैंकले जनाएको छ।
यसैगरी नेपाल सरकारको हाल कायम भएको फिर्ता नहुने अग्राधिकार शेयरपुँजीमा समेत वार्षिक ६ प्रतिशतले हुने नगद लाभांश रकमसमेत प्रदान गर्ने निर्णय बैंकले गरेको छ।
